Hjarte for folk, mat og syn
Med hjarte for folk, mat og syn vart konseptet Brunsj og Briller til i 2020. Vår ambisjon er å tilby eit unikt konsept for dei som bur i området. Forhåpentligvis vil også fleire, som vanlegvis suser rett forbi Skei, stoppe opp, nyte ein matbit og deilig baristakaffi medan ein beundrer det vakre landskapet. Kanskje kan ein også ta ei synsundersøking og finne seg ei fin brille eller solbrille i samme slengen? Vår optiker set av god tid til synsundersøkinga slik at du skal få den hjelpa du ynskjer deg.
Vår historie
Brunsj & briller vart starta i 2020, men draumen starta lenge før. Allereie då Elisa var lita jente tenkte ho at ho skulle ende opp med å bu på heimplassen sin, Skei i Jølster. På dette tidspunktet var planen hennar å aldri flytte frå heimbygda i hjartet av Sogn og Fjordane. Utferdstrangen vart likevel sterk og ho enda opp med å reise til Kongsberg for å studere optikk. Dette trass i at draumen var å jobbe med mat. Reisa gjekk vidare til både Oslo, Bergen og Førde. I Bergen jobba ho på ein rolig brillebutikk og fekk god tid til å tenkje. Kanskje ho skulle starte med optikertenester på Skei? Kanskje kunne det vere mogleg å kombinere mat og optikk? Ho ville iallfall få til noko i den vesle, fine bygda. Noko annleis.
Ved ein tilfeldighet opna dørene seg for Elisa i 2018 då Fjøsen vart lagt ut for sal. Det var no idéen om å starte ein kafé og optiker for alvor forma seg. Med ein far som heia på ho og var vilig til å vere med å hjelpe, fekk ho i 2020 realisert draumen om Brunsj & Briller.
Frå fjøs til restaurant og pub til kafé med brillebutikk og synsprøver.
I Ospene 7 ligg i dag Brunsj & Briller, men mange hugser nok bygget best som Fjøsen.
Bygget vart oppført som ein fjøs tidlig på 1900-talet. På 80- og 90-talet tid stod bygget til nedfalls, men i 1998 tok ein driftig gjeng med stardølinger tak i det gamle bygget og rusta det opp. Det vart ein stilig restaurant og pub. Konseptet vart etter kvart vanskelig å drifte og vart seld vidare. I åra etterpå har Fjøsen hovudsakleg vore drifta som pub. Her har blitt arrangert festar, dansegalla og andre større og mindre arrangement for bygdefolket. Den har vore mykje brukt av Jølstringar, men også av folk frå bygdene rundt. Det finnast nok mange som har eit og anna minne frå Fjøsen..
Etter mange år med fest og moro var det bestemt at drifta skulle leggjast ned. Her såg Elisa ein moglegheit. Fjøsen stod på ein eigendom med stort potensiale, men det var også mykje som måtte gjerast. Far til Elisa bestemde seg likevel for å slå til og dei kjøpte eigendommen. Etter nærmare to år med fleire runder opprydding, maling, eit nytt påbygg og generell oppgradering av heile bygget opna kaféen og optikeren for fullt i 2020. Eit lite hint av bylivet vart tilført Skei.
